imran khan 150

انگریزوں سے آزادی کے بعد بھی ذہنیت تبدیل نہیں ہوئی،عمران خان

اسلام آباد: وزیراعظم عمران خان نے کہا ہے کہ انگریزوں کے آزادی کے بعد بھی ذہنیت تبدیل نہیں ہوئی، سیٹزن پورٹل سے پتا چلا کہ مقامی حکومتوں کا نظام ٹھیک نہیں چل رہا،آئندہ بلدیاتی انتخابات میں لاہور، کراچی، پشاور کے الگ الیکشن ہوں گے، ان کی اپنی حکومتیں بنیں گی،یہ حکومتیں برطانیہ کی طرز پر کام کریں گی۔
انہوں نے سیٹزن پورٹل کی تقریب سے خطاب کرتے ہوئے کہا کہ انگریزوں کے بعد جو لوگ حکومتوں میں آئے وہ سمجھ رہے کہ انگریزوں کے بعد وہ آگئے ہیں، لیکن انگریزتو غلاموں پر حکومت کررہے تھے، کیونکہ انگریزوں کا ان کے اپنے شہریوں کے ساتھ رویہ اور تھا جبکہ غلاموں کے ساتھ بالکل مختلف تھا، برطانیہ میں ایک شہری طاقتور ہوتا ہے، اس کواحساس نہیں ہوتا کہ حکومت میری آواز سنیں گی، وہ حکومت کو ٹیکس دیتے ہیں وہ اس کی مد عوام کو آسانیاں دیتے ہیں۔
ریاست مدینہ دنیا کی پہلی فلاحی ریاست تھی، فلاحی ریاست نے اپنے بوڑھوں، یتیموں کی ذمہ داری اپنے سر پر لی تھی۔ اسی طرح بادشاہت میں ایسا نہیں ہوتا تھا لیکن جب جمہوریت آئی تو لوگ مجبور ہوگئے کہ عوام کی بات سنیں ، کیونکہ عوام سے ووٹ لینا ہوتے ہیں، حکومت کی ڈیوٹی ہے کہ وہ عوام کی خدمت کریں۔ انہوں نے کہا کہ 30لاکھ لوگوں نے سیٹزن پورٹل کا استعمال کیا، اس سے ایک چیز سامنے آئی ہے کہ ہمارے مقامی حکومتوں کا نظام نہیں چل رہا۔
لوکل گورنمنٹ سسٹم گاؤں کی سطح پر جائے گا۔بڑے شہروں کا اپنا سسٹم بننے والا ہے، لاہور، کراچی، پشاور کے اپنے الیکشن ہوں گے، ان کی اپنی حکومتیں بنیں گی، جس میں ذمہ داریاں دی جائیں گی کہ پانی کے مسائل کس نے حل کرنے ہیں، بجلی اور مقامی مسائل بھی شہر خود حل کریں گے۔ بالکل ایسے ہی جیسے برطانیہ میں ہوتا ہے۔سیٹزن پورٹل کا اوورسیز پاکستانی نے بھرپور استعمال کیا ہے۔
ان کو مشکلات قبضہ گروپوں، پولیس سے کافی مشکلات آتی ہیں۔اسی طرح لوگ اے سی ، ڈی سی ، تھانیدار کی کرپشن سے بڑے تنگ ہیں، اگر کوئی پیسے مانگے تو لوگوں کو چاہیے فوری سیٹزن پورٹل پر اطلاع دے۔سیٹزن پورٹل کے ذریعے عوام کو طاقت دی گئی ہے۔ وزیراعظم کو جانچنے کی آسانی ملتی ہے کہ کون سے وزیر، محکمے کام نہیں کررہے ، ہمارے لیے سزا جزا ء کا نظام قائم کرنا اور احتساب کرنے میں آسانی ہوتی ہے۔ہم ایک نئی سول سروس ریفارمز بھی لے کرآرہے ہیں، اس کے تحت لوگوں کو ملازمت سے فارغ کردیں گے۔

اپنا تبصرہ بھیجیں