sania mirza 112

ثانیہ مرزا نے امریکی ٹینس اسٹار سرینا ولیمز کی کہانی سے متاثر ،سوشل میڈیا پر پیغام جاری کردیا

دبئی : بھارتی ٹینس اسٹار اور پاکستان کرکٹ ٹیم کے سابق کپتان شعیب ملک کی اہلیہ ثانیہ مرزا نے امریکی ٹینس اسٹار سرینا ولیمز کی کہانی سے متاثر ہوکر سوشل میڈیا پر ایک پیغام جاری کردیا۔فوٹوز اینڈ ویڈیوز شیئرنگ ایپ انسٹاگرام پر بھارتی ٹینس اسٹار ثانیہ مرزا نے کچھ تصاویر شیئر کیں جن میں سے دو تصویروں میں انہوں نے تمام مائوں کیلئے ایک پیغام جاری کیا، اٴْس پیغام میں انہوں نے اپنی کہانی امریکی ٹینس اسٹار سرینا ولیمز سے متاثر ہوکر لکھی ہے۔
انسٹاگرام پر شیئر کردہ کچھ تصاویر میں سے دو تصویریں ثانیہ مرزا کی اٴْن کے بیٹے اذہان مرزا ملک کے ساتھ ہیں۔ثانیہ مرزا نے انسٹاگرام پر شیئر کی جانے والی اپنی پوسٹ کے ساتھ کیپشن میں لکھا کہ سرینا ولیمز آپ کی کہانی نے مجھے متاثر کیا جس کے بعد میں نے یہ خط لکھا، #BeingSerena میری اور دنیا بھرمیں موجود تمام ایسی خواتین کے تجربے کی بازگشت ہے جو ہر روز اہل خانہ اور ذاتی اہداف میں توازن رکھتی ہیں۔

انسٹاگرام پر جاری کردہ اپنے پیغام میں ثانیہ مرزا نے لکھا کہ یہ اکثر کہا جاتا ہے کہ ایک عورت ماں بننے اور اپنے خوابوں کو پورا کرنے میں سے کسی ایک چیز کا انتخاب کرے، آج میں اس خط کے ذریعے اپنا سفر شیئر کر رہی ہیں جوکہ میں نے سرینا ولیمز کی کہانی سے متاثر ہونے کے بعد لکھنے کے بارے میں سوچا۔ثانیہ مرزا نے لکھا کہ میرے حاملہ ہونے اور بچے کی پیدائش نے مجھے ایک بہتر انسان بنادیا ہے، میرا یہ ماننا ہے کہ یہ ایک بہترین چیز ہے جس کا تجربہ ہر ایک کو کرنا چاہیے، حاملہ ہونے کے بعد دوبارہ اٴْسی طرح فٹ ہونا میرے لیے ایک بہت بڑا چیلنج تھا۔
ٹینس اسٹار ثانیہ مرزا نے لکھا کہ بچے کی پیدائش سے قبل اور پیدائش کے بعد میرا وزن 23 کلو بڑھ گیا تھا، میں نے خود کو فٹ رکھنے کے لیے بہت محنت کی، وزرش کی، جم گئی اور سخت ڈائٹ پلان فالو کیا جس کے بعد میں اپنا وزن 26 کلو کم کرنے میں کامیاب رہی۔انہوں نے لکھا کہ کیرئیر اور فیملی کو ایک ساتھ لے کر چلنا کبھی کبھی بہت مشکل ہوجاتا ہے، لیکن اگر آپ اپنے اہل خانہ سے پیار کرتے ہیں اور آپ کو اپنے پروفیشن سے بھی اتنی ہی محبت ہے تو آپ دونوں چیزوں کو بیلنس کر سکتے ہیں۔

اپنا تبصرہ بھیجیں