41

کراچی میں سیکورٹی اداروں کی بڑی کارروائی، دو دہشتگرد گرفتار، اسلحہ برآمد

کراچی میں سیکورٹی اداروں نے بڑی کارروائی کرتے ہوئے دو دہشتگردوں سمیت تین ملزموں کو گرفتار کر لیا ہے۔ دہشتگرد نبی گل اور محمدعقیل نے حساس ادارے کے دو افسران کو شہید کرنے کا اعتراف کر لیا ہے جبکہ ملزم شہزاد چھوٹو 40 سے زائد قتل کی وارداتوں میں ملوث نکلا ہے۔تفصیل کے مطابق سپیشل انویسٹی گیشن یونٹ کراچی اور وفاقی انٹیلی جنس ادارے نے شہر کے دو مختلف مقامات پر خفیہ آپریشنز کرکے 2 دہشتگردوں کو گرفتار کر لیا ہے۔خفیہ ذرائع کے مطابق دہشتگرد نبی گل اور محمدعقیل نے 2008ء میں آئی بی کے 2 افسروں کو شہید کرنے کا اعتراف کر لیا ہے۔ افغانستان سے تربیت یافتہ ان دہشتگردوں سے اسلحہ، ایمونیشن اور دیگر سامان بھی برآمد کر لیا گیا ہے۔ دہشتگردوں کے قتل سمیت دیگر درجنوں وارداتوں میں ملوث ہونے کا بھی انکشاف ہوا ہے۔دوسری کارروائی میں لیاری گینگ وار کے کارکن کو گرفتار کرکے اس کے قبضہ سے اسلحہ اور ایمونیشن برآمد کر لیا گیا ہے۔ ملزم شہزاد عرف چھوٹو نے چالیس سے زائد قتل کی وارداتوں کا اعتراف کیا۔ ذرائع کا کہنا ہے کہ ملزم نے عزیر بلوچ کی حکم پر بابا لاڈلا گروپ سمیت دیگر شہریوں کو قتل کیا۔

اپنا تبصرہ بھیجیں