پاکستان کی ترقی کیلئے بھرپور کردار ادا کیا زندگی میں اتار چڑھاؤ آتے رہتے ہیں ،آصف علی زرداری

نواب شاہ: سابق صدر پاکستان آصف علی زرداری نے کہا ہے کہ ہمیں انجنیئرڈ الیکشن میں پھنسا کراپنوں کو لایا گیا تو میں نے ان کو کہا اب ان کو چلا کر دکھاؤ۔

زرداری ہاؤس نوابشاہ میں پارٹی ورکرز سے خطاب کرتے ہوئے سابق صدر پاکستان آصف زرداری نے کہا کہ جب خیبر پختونخوا کا نام رکھا تو اسفندیار ولی جیسا دلیر شخص رو پڑ

انہوں نے پارٹی کارکنان کو سرمایہ قرار دیتے ہوئے کہا کہ ہم نے اپنے منشور میں کبھی جھوٹے وعدے نہیں کیے اور ہر زخم پر مرہم رکھے ان کا کہنا تھا کہ ہم نے ملکی ترقی کے لیے آگے بڑھ کر کام کیا پاکستان کو آگے لے کر جانے کے لیے پیپلزپارٹی نے بھرپور کردار ادا کیا زندگی میں اتار چڑھاؤ آتے رہتے ہیں۔

اس سے قبل بھی کارکنان سے خطاب کرتے ہوئے سابق صدر پاکستان آصف علی زرداری نے پارٹی کارکنان کو سرمایہ و طاقت قرار دیا تھا واضح طور پر اعلان کیا تھا کہ بلاول بھٹو پاکستان پیپلزپارٹی کے اگلے وزیراعظم ہوں گے ہم سب مل کر اس حکومت کو گھر بھیجیں گے پہلے بھی کہا تھا اب بھی کہہ رہا ہوں کہ ان سے حکومت نہیں چلے گی۔ انہوں نے کہا کہ ملک میں مہنگائی کا طوفان ہے جس سے غریب آدمی پریشان ہے۔

آصف زرداری نے کہا تھا کہ وفاق کے سندھ کے ساتھ مسائل چل رہے ہیں مسائل چلتے رہتے ہیں لیکن ہمارا قافلہ نہیں رکے گا ملک کے حالات بہت نازک دور سے گزر رہے ہیں پیپلزپارٹی کے پاس قیادت موجود ہے جو پاکستان چلائے گی تحریک انصاف کی حکومت نے ملک کے حالات خراب کردیے ہیں۔

ان کا کہنا تھا کہ اس وقت غریب عوام سے جینے کا حق چھینا جارہا ہے انہوں نے دعویٰ کیا تھا کہ ہم اس ملک کو چلا بھی سکتے ہیں اور بنا بھی سکتے ہیں ان کا کہنا تھا کہ پہلے دن ہی کہہ دیا تھا حکومت ان لوگوں کے بس کی بات نہیں ہے

اپنا تبصرہ بھیجیں