سعودی عرب پر حوثی باغیوں کے بیلسٹک میزائل حملے ، پاکستان بھی میدان میں آ گیا

ٹی وی ٹوڈے اسلام آباد: پاکستان نے سعودی عرب کے شہر جازان میں حوثی باغیوں کے میزائل حملوں کی شدید مذمت کرتے ہوئے کہا ہے کہ ایسے حملے نہ صرف بین الااقوامی قوانین کے منافی بلکہ سعودی عرب کے امن و استحکام کے لیے خطرہ ہیں،پاکستان ایسے حملوں کو فوری بند کرنے کا مطالبہ اور سعودی عرب کی علاقائی سالمیت اور سلامتی کے لیے خطرات کے خلاف بھرپور اظہار یکجہتی کرتا ہے۔

خبر کے مطابق ترجمان دفتر خارجہ عاصم افتخار احمد نے سعودی عرب کے شہر جازان میں حوثی باغیوں کی جانب سے کیے گئے بیلسٹک میزائل حملے کی شدید مذمت کی اور کہا کہ پاکستان سعودی عرب پر حوثی میزائل حملوں کی شدید مذمت کرتا ہے۔ انہوں نے کہا کہ یہ حملے سعودی عرب کے جازان گورنیٹ کے علاقے میں کیے گئے۔ ان حملوں میں متعدد افراد ہلاک اور زخمی ہونے جبکہ شہری انفراسٹرکچر کی تباہی ہوئی۔ ترجمان دفترخارجہ نے مزید کہا کہ ایسے حملے نہ صرف بین الااقوامی قوانین کے منافی بلکہ سعودی عرب کے امن و استحکام کے لیے خطرہ ہیں۔پاکستان ایسے حملوں کو فوری بند کرنے کا مطالبہ کرتا ہے۔ عاصم افتخار احمد نے کہا کہ پاکستان سعودی عرب کی علاقائی سالمیت اور سلامتی کے لیے خطرات کے خلاف بھرپور اظہار یکجہتی کرتا ہے۔

اپنا تبصرہ بھیجیں