لوگوں کو بارود سے بچانے والا ‘ہیرو چوہا’ چل بسا

جنوب مشرقی ایشیا کے ملک کمبوڈیا میں لوگوں کو زیر زمین نصب بارودی مواد سے بچانے والا چوہا 8 سال کی عمر میں چل بسا۔

غیر ملکی خبر رساں ادارے کی رپورٹ کے مطابق ’ ماگا وا ‘ نامی چوہے نے کمبوڈیا میں اپنے کیرئیر کے دوران انتالیس بارودی سرنگیں اور اٹھائیس بار بارود کا سراغ لگایا۔ امریکہ اور بیلجیم کی غیر منافع بخش تنظیم کی تاریخ میں پہلی بار چوہے کو گولڈ میڈل سے بھی نوازا گیا تھا۔

رپورٹ کے مطابق تنزانیہ میں قائم بیلجیئم کی ایک تنظیم نے چوہے کو بارودی سرنگ کو سونگھنے کی تربیت دی تھی۔

عالمی میڈیا کے مطابق چوہے کا وزن اور قد عام چوہوں کی نسبت قدرے زیادہ تھا مگر اس کے باوجود وہ زیر زمین دبائی گئی بارودی سرنگ کو محسوس نہیں ہوتا تھا۔

مگاوا نے ایک لاکھ اکیالیس ہزار مربع میٹر سے زیادہ کی زمین کو بارودی مواد سے پاک کرنے میں مدد دی۔

اپنا تبصرہ بھیجیں