شہزاداکبرنوازشریف پرتوجہ دیں:جانتی ہوں کہ پاکستانی سیاستدان کتنی منی کی بلیک میلنگ کرتےہیں:حریم شاہ

لندن:شہزاداکبرنوازشریف کیس پرتوجہ دیں:جانتی ہوں کہ پاکستانی سیاستدان منی کی کتنی بلیک میلنگ کرتےہیں:معروف ٹک ٹاکر حریم شاہ نے منی لانڈرنگ کے الزامات کے حوالے سے وضاحت دیتے ہوئےکہا ہےکہ سچی باتیں کڑوی لگتی ہیں تو ہزار بار لگیں، میں توکروں گی۔

نجی ٹی وی سےگفتگو کرتے ہوئے حریم شاہ کا کہنا تھا کہ شہزاد اکبر مجھ پر وقت ضائع کرنےکے بجائے نواز شریف کے کیس پر توجہ دیں، شہزاد اکبر، نواز شریف کو تو یہاں سے ہلا نہیں سکے،نوازشریف لندن کی سڑکوں‌ پربڑے مزے سے اکیلے پھرتے ہیں اوربڑے خوش نظرآتےہیں‌

حریم شاہ نے شہزاد اکبر اور حکومت پر تنقید کرتے ہوئے کہا کہ میں تو ہرروز سنتی ہوں کہ کہا جاتا ہے نواز شریف کو آج لے کر آئیں گے، کل لےکر آئیں گے، آج تک تو کچھ کر نہیں سکے، میں تو معمولی شخصیت ہوں،حریم شاہ کا کہنا تھا کہ میں کبھی ڈری نہیں اور اب شہزاد اکبرسے میں ڈرنے والی نہی،

حریم شاہ نے شہزاد اکبر سے کہا کہ سنیں لندن میں ‘چِل’ کر رہی ہوں، برطانیہ میں ثبوت چلےگا، باتیں نہیں، حکام کے رابطوں اور کیسوں سے نہیں گھبراتی،کچھ اور حقائق بھی بتاسکتی ہوں۔حریم شاہ نے شریفانہ لہجےمیں دھمکی دیتے ہوئے یہ بات کہی

ان کا کہنا تھا کہ خود مشہور ہونے کے لیے میرے خلاف خط لکھنےکی بات ہورہی ہے، پاکستانی پاسپورٹ کی قدر کے حوالے سے خبر بھی آگئی ہے، میں نے بھی تو سچی بات کی تھی، حکومت کی نا اہلی کی وجہ سے پاکستانی پاسپورٹ اور کرنسی کی قدر مزید گرتی جا رہی ہے۔

حریم شاہ نے کہا کہ میں تیارہوں کہ میں ایف آئی اے اور مقامی حکام سے منی لانڈرنگ کے حوالے سے تعاون کروں ،

لگتا ہے پاکستانیوں کے خط کو مقامی حکام پڑھتے بھی نہیں اور پھاڑ کر پھینک دیتے ہیں، حریم شاہ نے کہاکہ میں جانتی ہوں کہ پاکستانی سیاستدان کیسے منی کو بلیک کرتے ہیں ، حریم کا کہنا تھا کہ جتنی بلیک منی پاکستانی سیاستدانوں کے پاس ہے اتنی بلیک منی تو پاکستان میں عوام کے پاس بھی نہیں ہے۔

اس موقعے پر لندن میں موجود حریم شاہ کے منہ بولے بھائی دانیال ملک نےکہا کہ میں نے خود اسکاٹ لینڈ یارڈ سے رابطہ کرکےکہا تھا کہ حریم سے کچھ پوچھنا ہے تو حاضر ہیں، پولیس نے حریم شاہ کے منی لانڈرنگ کے حوالے سے انٹرویو میں کسی دلچسپی کا اظہار نہیں کیا۔

اپنا تبصرہ بھیجیں