عمران خان کے قریبی ساتھی انتقال کرگئے

وزیراعظم عمران خان کی جماعت پاکستان تحریک انصاف کے ایک اہم کارکن عارف راز انتقال کرگئے۔

مائیکرو بلاگنگ سائٹ ٹوئٹر پر وزیراعظم عمران خان نے اپنی پُرانی تصویر شیئر کی جس میں اُن کے ہمراہ پی ٹی آئی کے کارکن عارف راز بھی موجود ہیں۔

ٹوئٹر پر تصویر شیئر کرتے ہوئے وزیراعظم عمران خان نے کہا کہ ’عارف راز کی وفات کا سُن کر نہایت رنجیدہ ہوں۔‘

عمران خان نے کہا کہ ’وہ ہمارے ان جانثار نظریاتی کارکنان میں سے ایک تھا جو 25 برس قبل ہمارے قافلے کا حصہ بنے اور نشیب و فراز کے تمام سلسلوں میں ہمارے قدم بقدم رہے۔‘

اُنہوں نے مزید کہا کہ ’میری دعائیں اور ہمدردیاں ان کے اہلِ خانہ کے ساتھ ہیں۔‘

سوشل میڈیا صارفین کی بڑی تعداد پی ٹی آئی کارکن عارف راز کے انتقال پر دُکھ کر اظہار کررہی ہے۔

اپنا تبصرہ بھیجیں