سیاسی رہنماؤں کی خانیوال واقعے کی مذمت

سیاسی رہنماؤں نے خانیوال میں مشتعل ہجوم کے ہاتھوں ایک شہری کے قتل کی شدید مذمت کی ہے۔

چیئرمین پیپلزپارٹی بلاول بھٹو زرداری نے کہا کہ تلمبہ میں ہونے والے سانحے نے ایک بار پھر پوری قوم کے سر شرم سے جھکا دیے ہیں۔

مسلم لیگ (ن )کے رہنما شاہد خاقان عباسی نے کہا کہ جتھوں کے ہاتھوں قتل کے بڑھتے واقعات قابلِ مذمت اور شرم ناک ہیں۔

(ن) لیگی رہنما پرویز رشید کا کہنا تھا کہ جب تک ریاست، درس گاہیں، لاؤڈ اسپیکر، میڈیا اور ذہن سازی کرنے والے جہالت کے اندھیرے پھیلاتے رہیں گے، انسانیت دم توڑتی رہے گی اور درندے جنم لیتے رہیں گے۔

پیپلز پارٹی کی سینیٹر شیری رحمان نے کہاکہ اس بربریت کو محض امن و امان کا مسئلہ نہ سمجھا جائے، بات اِس سے آگے بڑھ گئی ہے۔

واضح رہے کہ مشتعل ہجوم نے مبینہ طور پر توہینِ مذہب کا الزام لگاکر ایک شخص کو قتل کردیا تھا۔

اپنا تبصرہ بھیجیں