سوتیلے باپ نے تین سالہ بچے کو چارپائی پر پیشاب کرنے پر قتل کردیا

رائے ونڈ:سوتیلے باپ نے تین سالہ بچے کو چارپائی پر پیشاب کرنے پر قتل کردیا ،اطلاعات کے مطابق لاہور کے علاقہ رائے ونڈ سے آنے والی ایک دردناک خبر نے سب کو غمگین کردیا ، بتایا جارہا ہےکہ ایک سوتیلے باپ کی بے رحمی نے ایک ننھے منھے پھول جیسے بچی کی زندگی لے لی

رائے ونڈ پولیس کے مطابق ملزم غلام عباس نے اپنے سوتیلے بیٹے محمد عباس پر اتنا تشدد کیا کہ وہ جانبر نہ ہوسکا ، دوسری طرف پولیس کا یہ بھی کہنا ہےکہ اس بچے کا اور کوئی وارث بھی نہیں جس کی مدعیت میں پرچہ درج کیا جاسکے لہٰذا پولیس ہی اس بچے کے قتل کی مدعی بن گئی ہے ا

یہ بھی کہا جارہا ہے کہ ظالم شخص فرارہونے میں کامیاب ہوگیا ہے اور پولیس نے اس ظالم باپ کےخلاف مقدمہ بھی درج کرلیا ہے، یہ بھی کہا جارہا ہےکہ پولیس نے والدہ سمیرا بی بی کو حراست میں لے لیا

ادھر پولیس ذرائع کےمطابق یہ افسوسناک واقعہ قاسم گارڈن جیا بگا روڈ پر پیش آیا تھا، پولیس ظالم قاتل باپ کی تلاش میں ہے اور کوشش کررہی ہےکہ اس باپ کو گرفتار کرکے قانون کے کٹہرے میں لایا جائے

اپنا تبصرہ بھیجیں