محمد رضوان فائنل ہار کے بھی جیت گئے؟

ملتان سلطانز کے کپتان محمد رضوان نے پاکستان سپر لیگ (پی ایس ایل) 7 کے فائنل میں لاہور قلندرز سے شکست کے بعد کہا ہے کہ شاہین شاہ آفریدی کی جیت میری جیت ہے۔

کھیل کے اختتام پر میچ سے متعلق سوشل میڈیا پر محمد رضوان نے اظہار خیال کرتے ہوئے لکھا کہ لاہور کی جیت پر بہت خوش ہوں، ملتان سلطانز نے چیمپئنز کی طرح کھیلا۔

محمد رضوان نے تمام شائقین، اسٹاف، کھلاڑیوں، کوچز اور ٹیم مالکان کا شکریہ بھی ادا کیا۔

محمد رضوان نے اپنے پیغام کے ساتھ فائنل میچ کی کچھ تصاویر بھی شیئر کیں، جن میں مخالف ٹیم کے کپتان شاہین شاہ آفریدی کی بھی جیت کے بعد خوشی کے لمحات کی تصویر شامل ہے۔

اپنا تبصرہ بھیجیں