ایم کیو ایم نے وزیراعظم کو ساتھ ہونے کا یقین دلایا، عامر ڈوگر

قومی اسمبلی میں تحریک انصاف کے چیف وہپ ملک عامر ڈوگر نے دعویٰ کیا ہے متحدہ قومی موومنٹ (ایم کیو ایم) نے وزیراعظم عمران خان کو یقین دلایا کہ ہم آپ کے ساتھ ہیں۔

اپنے وڈیو بیان میں انہوں نے کہا کہ وزیر اعظم عمران خان کی متعدد ارکان قومی اسمبلی سے ملاقات ہوئی ہے۔

عامر ڈوگر کے مطابق ملاقات کے دوران وزیراعظم نے ایم این ایز کو کہا کہ اپوزیشن کی تحریک کو شکست فاش ہوگی۔

واضح رہے کہ وزیراعظم عمران خان نے گزشتہ روز کراچی کا دورہ کیاتھا، جہاں انہوں نے بہادر آباد میں ایم کیو ایم پاکستان کے رہنماؤں سے ملاقات کی اور گورنر ہاؤس کراچی میں پارٹی ارکان سے خطاب بھی کیا تھا۔

اپنا تبصرہ بھیجیں