واشنگٹن : امریکی ریاست فلوریڈا میں آندھی اور طوفان سے کم سے کم 17 افراد ہلاک اور درجنوں زخمی ہوگئے ہیں۔غیر ملکی میڈیا کےمطابق ایان سمندری طوفان کو امریکہ میں آنے والے اب تک کے سب سے طاقتور طوفانوں میں سے ایک قرار دیا گیاہے ۔ امریکی صدر جو بائیڈن نے خدشہ ظاہر کیا ہے کہ اموات کی تعداد میں اضافہ ہوسکتا ہے ۔ فلوریڈا کے گورنر کا کہنا ہے کہ طوفان سے جو تباہی ہوئی ہے وہ پانچ سو برسوں میں نہیں دیکھی گئی۔ طوفان میں سب سے زیادہ فورٹ مائرز ( Fort Myers) متاثر ہوا ہے اور ریاست میں اب بھی 20 لاکھ سے زائد شہری بجلی سے محروم ہیں۔ طوفان اب نسبتاً کم شدت کے ساتھ جنوبی کیرولائنا کی جانب بڑھ رہا ہے۔
