برسبین: ٹی ٹوئنٹی ورلڈ کپ کے سپر 12 مرحلے میں میزبان آسٹریلیا کے خلاف ہدف کے تعاقب میں آئرلینڈ کی بیٹنگ لڑکھڑا گئی، آئرش ٹیم کے پانچ کھلاڑی 25 رنز پر پویلین لوٹ گئے۔برسبین میں کھیلے جا رہے میچ میں آئرلینڈ نے ٹاس جیت کر آسٹریلیا کو بیٹنگ کی دعوت دی۔ آسٹریلوی ٹیم نے پانچ وکٹوں کے نقصان پر 179 رنز بنائے، کپتان ایرون فنچ نے 63 رنز کی اننگز کھیلی۔اوپنر تین رنز بنا کر پویلین لوٹ گئے جبکہ مچل مارش 28، گلین میکسویل 13 اور مارکس اسٹونس 35 رنز بنا کر آؤٹ ہوئے۔گروپ 1 کے پوائنٹس ٹیبل پر اس وقت آسٹریلیا چوتھے جبکہ آئر لینڈ تیسرے نمبر پر موجود ہے، نیوزی لینڈ کی ٹیم پہلے اور انگلینڈ دوسرے نمبر پر ہے۔
