پنجاب میں بارشوں نے سیلاب متاثرین کی مشکلات کو مزید بڑھا دیا ہے

مظفرگڑھ میں مسلسل موسلادھار بارش کے باعث کئی علاقے زیرِ آب آ گئے، گلی محلوں میں 3 سے 4 فٹ تک پانی جمع ہو گیا ہے۔ فیصل آباد، جھنگ، ملتان، بہاولپور اور لودھراں سمیت مختلف اضلاع میں بارش کا سلسلہ جاری ہے۔ جھنگ میں بارش نے سیلاب متاثرہ شہریوں کے مسائل مزید گھمبیر بنا دیے ہیں، نشیبی علاقوں میں پانی کھڑا ہونے سے آمد و رفت بری طرح متاثر ہوئی ہے۔

محکمہ موسمیات کے مطابق 9 ستمبر تک موسلادھار بارشوں کا امکان ہے جبکہ پنجاب، اسلام آباد، بلوچستان اور خیبر پختونخوا میں وقفے وقفے سے تیز بارشوں کی پیش گوئی کی گئی ہے۔