جرمن وزیر خارجہ یوہان واڈےفیہول نے لبنان میں اسرائیلی فوج کی پیش قدمی پر تشویش کا اظہار کیا ہے۔
جرمن وزیر خارجہ یوہان واڈےفیہول (Johann Wadephul) نے کہاکہ اسرائیلی فوج کی جنوبی لبنان میں پیش قدمی تشویشناک ہے، تمام فریقین جنگ بندی کی طرف لوٹیں۔
اس کے علاوہ برطانوی وزیر خارجہ کا کہنا تھا کہ لبنان میں اسرائیلی کارروائیوں سے شہری ہلاکتیں اور انفرا اسٹرکچر تباہ ہوا، تمام فریق جنگ بندی کا احترام کریں جب کہ حزب اللہ اسرائیل پر حملے بند کرے اور ہتھیار ڈالے۔
واضح رہے اسرائیل کے لبنان پر اتوار کو حملوں میں شہید ہونے والوں کی تعداد 12 ہوگئی ہے جب کہ ان حملوں میں 35 افراد زخمی ہوئے۔
اسرائیلی حملوں کے جواب میں حزب اللہ نے لبنان میں گھسنے والی صیہونی فوج پر راکٹ اور مارٹر گولوں سے حملے کیے۔
تبصرے بند ہیں