بہت سے لوگ نادانستہ طور پر منہ کھول کر سوتے ہیں اور اس عادت کو اکثر بے ضرر سمجھ کر نظر انداز کر دیتے ہیں۔
ماہرین صحت کے مطابق منہ کھول کر سونے کی عادت بعض اوقات بنیادی طبی مسائل کی علامت بھی ہو سکتی ہے، اس لیے اسے نظر انداز نہیں کرنا چاہیے۔
ماہرین کا کہنا ہے کہ یہ عادت ہمیشہ بیماری کی نشانی نہیں ہوتی، لیکن زیادہ تر صورتوں میں ناک کی بندش، جیسے شدید سردی، الرجی یا بڑھے ہوئے ٹانسلز کی وجہ سے پیدا ہوتی ہے۔ بچوں میں یہ مسئلہ عام ہے، خاص طور پر جب ناک ٹانسلز کی وجہ سے بند ہو، مگر عمر بڑھنے کے ساتھ حالت بہتر ہو جاتی ہے۔
نیسل سیپٹم ٹیڑھا ہونے کی صورت میں بھی ناک بند ہو سکتی ہے اور متاثرہ شخص کو منہ سے سانس لینے پر مجبور ہونا پڑتا ہے، اور شدید حالت میں سرجری کی ضرورت پڑ سکتی ہے۔
ماہرین نے خبردار کیا ہے کہ اگر نیند کے دوران منہ سے سانس لینے کے ساتھ خراٹے اور سانس لینے میں دشواری بھی ہو تو یہ نیند کی کمی یا دیگر سنگین مسائل کی علامت ہو سکتی ہے، جس کی صورت میں فوراً ڈاکٹر سے رجوع کرنا ضروری ہے۔
منہ کھول کر سونے کے اثرات:منہ سے سانس لینے سے نیند کے دوران منہ خشک ہو سکتا ہے، جس سے منہ کی صفائی متاثر ہوتی ہے، بدبو آتی ہے اور جلن یا سوزش بھی ہو سکتی ہے۔
اس کے علاوہ، یہ نیند کے معیار کو بھی خراب کر سکتا ہے۔
تبصرے بند ہیں