پاکستان کی مقبول پاپ گلوکارہ نازیہ حسن کو بچھڑے 25 برس گزر گئے، مگر وہ آج بھی اپنے مداحوں کے دلوں میں زندہ ہیں۔
نازیہ حسن نے منفرد انداز اور سریلی آواز کے ذریعے نہ صرف پاکستان بلکہ دنیا بھر میں شہرت حاصل کی، اور انہیں ملک میں پاپ موسیقی کی بانی کا درجہ حاصل ہے۔ ان کے نغمے آج بھی نوجوانوں میں مقبول ہیں۔
وہ صرف ایک گلوکارہ ہی نہیں بلکہ خواتین کے لیے ایک مثال بھی تھیں، جنہوں نے موسیقی کے شعبے میں خواتین کی نمائندگی کو مضبوط کیا۔ پاکستان سمیت بھارت میں بھی ان کے کروڑوں مداح موجود ہیں۔
ان کے شہرہ آفاق گانوں میں "آپ جیسا کوئی”، "ڈسکو دیوانے”، "دوستی”، "آنکھیں ملانے والے” اور "بوم بوم” شامل ہیں، جو آج بھی شوق سے سنے جاتے ہیں۔
تبصرے بند ہیں