ہنگو میں چیک پوسٹ پر حملہ کر کے ڈی ایس پی سمیت 10 پولیس اہلکاروں کو شہید کرنے کے دہشتگرد واقعے کا ماسٹر مائنڈ مارا گیا۔
نجی نیوز چینل کے مطابق ہنگو میں سی ٹی ڈی اور سیکیورٹی فورسز کی مشترکہ کارروائی میں خزینہ بانڈہ چیک پوسٹ پر حملے کا مبینہ ماسٹر مائنڈ مارا گیا۔
پولیس حکام کے مطابق چھپری نریاب کے قریب 15 سے 18 خوارج کی نقل و حرکت دیکھی گئی۔ سی ٹی ڈی کی کارروائی کے دوران انتہائی مطلوب دہشت گرد کو ہلاک کر دیا گیا۔
پولیس حکام کا کہنا ہے کہ ہلاک دہشت گرد مبینہ طور پر خزینہ بانڈہ چیک پوسٹ حملے کا ماسٹر مائنڈ تھا۔
واضح رہے کہ 29 جولائی کو ہنگو کے خزینہ بانڈہ پولیس چیک پوسٹ پر دہشت گردوں نے حملہ کیا تھا۔ اس حملے میں ڈی ایس پی سمیت 10 پولیس اہلکار شہید اور 28 زخمی ہوئے تھے۔
تبصرے بند ہیں