بالی ووڈ اداکارہ تمنا بھاٹیا نے سابق پاکستانی آل راؤنڈر عبدالرزاق کے ساتھ شادی اور تعلقات کی خبروں پر پہلی بار وضاحت دے دی ہے۔
ایک حالیہ انٹرویو میں تمنا نے واضح کیا کہ اُن کی اور عبدالرزاق کی ملاقات صرف ایک جیولری اسٹور کی افتتاحی تقریب میں ہوئی تھی، جہاں دونوں محض اتفاقاً شریک تھے۔ ان کا کہنا تھا کہ "نہ اس سے پہلے کوئی تعلق تھا، نہ بعد میں، یہاں تک کہ ہمارا رابطہ تک نہیں ہوا۔ لوگ خود ہی کہانیاں گھڑلیتے ہیں۔”
اداکارہ نے سوشل میڈیا پر وائرل خبروں کا ذکر کرتے ہوئے ہنستے ہوئے کہا، "سوشل میڈیا واقعی ایک تفریح گاہ ہے، جہاں سب سے بےتکی باتیں بھی خبروں کا روپ لے لیتی ہیں۔ مذاق مذاق میں عبدالرزاق!”
انہوں نے سابق کرکٹر کو مخاطب کرتے ہوئے کہا، "معاف کیجیے گا سر، آپ کے تو بچے ہیں۔”
بھارتی میڈیا کے مطابق، تمنا بھاٹیا نے انٹرویو کے دوران کرکٹر ویرات کوہلی سے مبینہ تعلقات کی افواہوں پر بھی بات کی اور کہا کہ ان سے صرف ایک دن شوٹ پر ملاقات ہوئی تھی، جس کے بعد کبھی کوئی بات یا ملاقات نہیں ہوئی۔
تبصرے بند ہیں