میجر طفیل محمد شہید نشان حیدر کا یوم شہادت آج منایا جا رہا ہے۔ انہوں نے سابق مشرقی پاکستان کے لکشمی پور سیکٹر میں دشمن کے خلاف بہادری سے لڑتے ہوئے شہادت کا فائزہ پایا۔
چیف آف آرمی سٹاف فیلڈ مارشل سید عاصم منیر، جوائنٹ چیفس آف سٹاف کمیٹی کے چیئرمین جنرل ساحر شمشاد مرزا، پاک بحریہ کے سربراہ ایڈمرل نوید اشرف اور پاک فضائیہ کے سربراہ ائیر چیف مارشل ظہیر احمد بابر سدھو نے میجر طفیل محمد کو ان کے 67 ویں یوم شہادت پر خراج عقیدت پیش کیا۔
پاک فوج کے شعبہ تعلقات عامہ (آئی ایس پی آر) کے بیان کے مطابق، میجر طفیل محمد نے دشمن کی فوج کے خلاف غیر معمولی بہادری اور عزم کے ساتھ حملہ کیا، شدید زخمی ہونے کے باوجود اپنی قیادت جاری رکھی اور مشن کو کامیابی سے مکمل کیا۔ ان کی بہادری پر انہیں پاکستان کا سب سے بڑا فوجی اعزاز نشان حیدر دیا گیا۔
پاکستان کی مسلح افواج میجر طفیل محمد شہید اور ملک کی حفاظت کے لیے قربانیاں دینے والے تمام شہداء کو خراج تحسین پیش کرتی ہیں۔ آئی ایس پی آر کا کہنا ہے کہ ان کی جرات اور حب الوطنی کی میراث نسلوں کے لیے روشنی کی مانند ہے۔ پاکستان اپنے شہداء کا ہمیشہ مقروض ہے، جن کی قربانیاں ملک کے امن، استحکام اور خودمختاری کی ضمانت ہیں۔ ہم اپنے ہیروز کو سلام پیش کرتے ہیں جنہوں نے لازوال قربانیاں دیں، جن کی ہمت اور لگن کو کبھی فراموش نہیں کیا جائے گا۔
تبصرے بند ہیں