پاکستانی کپتان محمد رضوان کا کہنا ہے کہ ابتدائی 40 اوورز تک میچ ہماری گرفت میں تھا، لیکن بعد میں ویسٹ انڈیز کے بلے بازوں نے بہترین کارکردگی دکھائی۔
انہوں نے ویسٹ انڈین کپتان شائی ہوپ کی شاندار سنچری کو سراہتے ہوئے کہا کہ وہ زبردست اننگز کھیل گئے، جبکہ ہدف کے تعاقب میں ہماری تین وکٹیں جلد گرنے کے بعد ہم میچ میں واپس نہ آ سکے۔ رضوان نے جیڈن سیلز کی بولنگ کو بھی سراہا اور کہا کہ انہوں نے پوری سیریز میں شاندار پرفارم کیا۔
یاد رہے کہ ویسٹ انڈیز نے سیریز کے تیسرے اور فیصلہ کن ون ڈے میں پاکستان کو 202 رنز سے شکست دی۔ ویسٹ انڈیز نے پہلے بیٹنگ کرتے ہوئے 6 وکٹوں کے نقصان پر 294 رنز بنائے، جس میں شائی ہوپ کی ناقابل شکست 120 رنز کی اننگز نمایاں رہی۔
جواب میں پاکستان کی بیٹنگ لائن مکمل طور پر ناکام رہی اور پوری ٹیم صرف 92 رنز پر ڈھیر ہو گئی۔ پانچ بیٹر بغیر کوئی رن بنائے آؤٹ ہوئے۔ ویسٹ انڈیز کے فاسٹ بولر جیڈن سیلز نے صرف 18 رنز دے کر 6 وکٹیں حاصل کیں۔
ویسٹ انڈیز نے پاکستان کے خلاف 34 سال بعد کوئی ون ڈے سیریز جیتی ہے۔ شائی ہوپ کو میچ اور جیڈن سیلز کو سیریز کا بہترین کھلاڑی قرار دیا گیا۔
تبصرے بند ہیں