نجی ٹی وی کے صحافی خاور حسین کی پُراسرار موت کی تحقیقات میں اہم پیش رفت سامنے آئی ہے۔
خصوصی فیکٹ فائنڈنگ کمیٹی کے سربراہ ایڈیشنل آئی جی سی ٹی ڈی آزاد خان نے پریس کانفرنس میں بتایا کہ ایک اہم گواہ سامنے آیا ہے، جس نے خاور حسین سے ان کی موت سے کچھ دیر پہلے بات کی تھی۔
ان کے مطابق خاور حسین کی گاڑی، موبائل فون اور اسلحہ فرانزک کے لیے بھجوائے گئے ہیں جبکہ کراچی سے سانگھڑ تک کے سفر کی سی سی ٹی وی فوٹیج بھی حاصل کی جا رہی ہے۔ گاڑی سے صرف ایک موبائل فون ملا ہے، لیکن شبہ ہے کہ دوسرا موبائل اہلخانہ کے پاس ہے، جسے بھی تحویل میں لیا جائے گا۔
آزاد خان نے مزید بتایا کہ برآمد شدہ موبائل کا ڈیٹا مکمل طور پر ری سیٹ تھا، جسے فرانزک ماہرین ریکور کرنے کی کوشش کر رہے ہیں۔ تحقیقاتی ٹیم جلد ہی اہلخانہ سے ملاقات کرے گی۔
انہوں نے کہا کہ اس وقت یہ طے کرنا ممکن نہیں کہ واقعہ قتل ہے یا خودکشی۔
تبصرے بند ہیں