نائب وزیرِاعظم اور وزیرِ خارجہ اسحاق ڈار او آئی سی وزرائے خارجہ کونسل کے اجلاس میں شرکت کے لیے سعودی عرب پہنچ گئے۔
ترجمان دفترِ خارجہ کے مطابق جدہ کے کنگ عبدالعزیز انٹرنیشنل ایئرپورٹ پر پاکستانی سفیر احمد فاروق اور قونصل جنرل خالد مجید نے اسحاق ڈار کا استقبال کیا۔
انہوں نے بتایا کہ او آئی سی وزرائے خارجہ کا غیرمعمولی اجلاس آج جدہ میں او آئی سی سیکریٹریٹ میں منعقد ہوگا، جہاں رکن ممالک کے وزرائے خارجہ فلسطین کی سنگین صورتحال پر غور کریں گے۔
ترجمان کے مطابق اجلاس میں اسرائیلی فوجی جارحیت اور غزہ پر مکمل قبضے کے منصوبے پر مشاورت کی جائے گی جبکہ فلسطینی عوام کے حقوق کی سنگین خلاف ورزیوں کے مشترکہ جواب پر بھی بات ہوگی۔
تبصرے بند ہیں