ڈی جی پی ڈی ایم اے عرفان علی کاٹھیا کا کہنا ہے کہ تریموں ہیڈورکس پر آج 9 لاکھ کیوسک پانی کا ریلا پہنچنے کا امکان ہے۔
انہوں نے خبردار کیا کہ اگر سدھنائی کے مقام پر پانی کی سطح میں خطرناک حد تک اضافہ ہوا تو حفاظتی اقدامات کے تحت شگاف ڈالنا پڑ سکتا ہے۔
عرفان علی کا کہنا تھا کہ ہیڈ محمد والا پر بھی 8 لاکھ کیوسک پانی کا ریلا متوقع ہے، اور صورتحال کے پیش نظر وہاں بھی شگاف ڈالنے کی نوبت آ سکتی ہے۔
انہوں نے مزید بتایا کہ بھارت کی جانب سے سلال ڈیم کے حوالے سے کوئی باضابطہ معلومات فراہم نہیں کی گئیں۔ سلال ڈیم، ہیڈ مرالہ سے 78 کلومیٹر کے فاصلے پر واقع ہے، اس لیے فی الوقت یہ کہنا ممکن نہیں کہ ہیڈ مرالہ پر کتنا پانی آئے گا۔
تبصرے بند ہیں