دریائے چناب میں اونچے درجے کا سیلاب گزشتہ 24 گھنٹوں کے دوران ایک ہزار سے زائد افراد کو محفوظ مقامات پر منتقل کیا گیا

مظفرگڑھ میں دریائے چناب میں اونچے درجے کا سیلاب برقرار ہے، جس کے باعث سیکڑوں دیہات زیرِ آب آ گئے ہیں۔

پولیس کے مطابق گزشتہ 24 گھنٹوں کے دوران ایک ہزار سے زائد افراد کو محفوظ مقامات پر منتقل کیا گیا، جبکہ رنگپور، دوآبہ، سنکی اور خانگڑھ میں امدادی سرگرمیاں جاری ہیں۔

وہیلانوالی، بنڈہ اسحاق اور عظمت پور سے بھی لوگوں کو محفوظ مقامات پر منتقل کیا گیا۔ پولیس کا کہنا ہے کہ ضلع بھر میں ریسکیو کی 32 اور پولیس کی 8 کشتیاں آپریشن میں حصہ لے رہی ہیں، جبکہ آرمی، وائلڈ لائف اور نجی کشتیاں بھی متاثرہ افراد کو نکالنے میں مصروف ہیں۔