عدالت نے ڈکی بھائی کو 14 روزہ جوڈیشل ریمانڈ پر جیل بھجوانے کا حکم جاری کر دیا
مسلسل جسمانی ریمانڈ میں توسیع کے خلاف پاکستانی یوٹیوبر سعد الرحمٰن المعروف ڈکی بھائی کی درخواست پر لاہور کی عدالت میں سماعت ہوئی۔
ضلع کچہری لاہور میں جوڈیشل مجسٹریٹ نعیم وٹو نے کیس کی سماعت کی، جس کے دوران عدالت نے جسمانی ریمانڈ میں مزید توسیع کی استدعا مسترد کر دی۔
یاد رہے کہ ڈکی بھائی کو 17 اگست کو ایک جوا کھیلنے والی موبائل ایپ کی تشہیر کے الزام میں گرفتار کیا گیا تھا۔
نیشنل کرائم ایجنسی لاہور نے ریاست کی مدعیت میں ان کے خلاف مقدمہ درج کیا، اور اب تک ان کے جسمانی ریمانڈ میں پانچ بار توسیع ہو چکی تھی، جبکہ یہ چھٹی بار کی استدعا مسترد کی گئی ہے۔
تبصرے بند ہیں