وزیرِاعظم شہباز شریف آج قطر کا دورہ کریں گے

دوحہ میں عرب اسلامی سربراہی کانفرنس ہنگامی طور پر طلب کی گئی ہے جس میں شرکت کے لیے وزیرِاعظم آج روانہ ہوں گے، جبکہ وزیرِ خارجہ اسحاق ڈار پہلے ہی قطر میں موجود ہیں۔

یہ اجلاس اسرائیل کے فضائی حملوں، فلسطین میں کشیدگی اور فلسطینیوں کی جبری بے دخلی کے پس منظر میں بلایا گیا ہے، جس میں او آئی سی کے رکن ممالک کے سربراہان اور اعلیٰ حکام کی شرکت متوقع ہے۔

یاد رہے کہ ایک ہفتہ قبل اسرائیل نے دوحہ میں حماس رہنماؤں کو نشانہ بنانے کی کوشش کی تھی تاہم حماس کی مرکزی قیادت محفوظ رہی۔ قطر پر اسرائیلی حملے کے بعد پاکستان سمیت کئی ممالک نے اس واقعے کی مذمت کرتے ہوئے قطر کے ساتھ اظہارِ یکجہتی کیا تھا۔