اسلام آباد: وزیر خزانہ محمد اورنگزیب تجارتی معاہدے کو حتمی شکل دینے امریکا روانہ ہوگئے۔
تفصیلات کے مطابق محمد اورنگزیب تجارتی معاہدے کو حتمی شکل دینے کے لیے واشنگٹن ڈی سی روانہ ہو گئے ہیں جہاں توقع ہے کہ یکم اگست 2025 کی ڈیڈ لائن سے قبل دونوں ممالک کے درمیان باہمی طور پر متفقہ ٹیرف پر دستخط ہو سکتے ہیں۔
وزیر خزانہ محمد اورنگزیب نے وزیرِ اعظم آفس میں ایک اجلاس میں شرکت کی جس کے بعد انہیں ہدایت دی گئی کہ وہ واشنگٹن روانہ ہوں تاکہ ممکنہ ڈیڈ لائن سے قبل امریکا کے ساتھ تجارتی معاہدہ طے پا سکے۔
واضح رہے امریکاکے ساتھ تجارتی معاہدہ کرنے کی یہ ڈیڈ لائن ٹرمپ انتظامیہ کی جانب سے دی گئی ہے۔
تبصرے بند ہیں