سینئر وزیر پنجاب مریم اورنگزیب نے کہا ہے کہ ہر بار قدرتی آفات کے بعد ڈیمز پر بحث شروع ہو جاتی ہے، حالانکہ ڈیمز فلڈ مینجمنٹ اور پانی ذخیرہ کرنے کے لیے ضروری ہیں۔
اپنے بیان میں انہوں نے کہا کہ متاثرین کی بحالی کے لیے مؤثر اقدامات کیے جائیں گے، انہیں محفوظ علاقوں میں منتقل کر کے نئے گھر فراہم کیے جائیں گے۔
مریم اورنگزیب نے مزید کہا کہ کوشش ہے کہ متاثرہ افراد کو ایسی جگہ منتقل کیا جائے جہاں دوبارہ سیلاب کا خطرہ نہ ہو، جبکہ جنگلات کے تحفظ کے لیے خصوصی پروگرام بھی ترتیب دیا گیا ہے۔
انہوں نے کہا کہ ٹیکنالوجی کی مدد سے غیر قانونی لکڑی کاٹنے کی روک تھام پر کام ہو رہا ہے، اور قدرتی آبی گزرگاہوں کی نشاندہی بھی کی جائے گی۔
تبصرے بند ہیں