منڈی بہاءالدین میں خراب مشروب پینے سے 3 بچے جاں بحق ہوگئے۔
منڈی بہاءالدین کے علاقہ کدھر شریف میں مدرسہ میں زیر تعلیم 3 طالبعلم مبینہ طور پر خراب مشروب پینے کے باعث جاں بحق ہوگئے جبکہ ایک بچہ زیرعلاج ہے۔
ایس ایچ او تھانہ کٹھیالہ شیخاں محمد آصف رانجھا نے جیو نیوز کو بتایا کہ متاثرہ بچوں نے قریبی دکان سے مشروب کا پاؤڈر لیا تھا، شربت پینے کے بعد ان کی حالت غیر ہوگئی اور انہیں اسپتال منتقل کیاگیا۔
متاثرہ بچوں کی عمریں 11 سے 13 سال کے درمیان ہیں۔
پولیس نے دکاندار سمیت 2 افراد کے خلاف مقدمہ درج کرکے انہیں گرفتار کر لیا ہے۔3 بچوں کی لاشوں کو پوسٹ مارٹم کے بعد ورثا کے حوالے کردیا گیا ہے۔
تبصرے بند ہیں