آئرلینڈ کرکٹ ٹیم کا ستمبر میں پاکستان کا طے شدہ دورہ ملتوی کر دیا گیا ہے۔
ہم نیوز کے مطابق پاکستان کرکٹ بورڈ (پی سی بی) اور آئرلینڈ کرکٹ بورڈ نے باہمی اتفاق رائے سے وائٹ بال سیریز کو مؤخر کرنے کا فیصلہ کیا ہے۔ دونوں بورڈز نے 2027 میں سیریز کے لیے نئی ونڈو تلاش کرنے پر اتفاق کیا ہے۔
آئرلینڈ کو ستمبر اور اکتوبر میں پاکستان میں تین ون ڈے اور تین ٹی ٹوئنٹی میچز کھیلنے تھے، تاہم قومی ٹیم کے مصروف شیڈول کے باعث سیریز ملتوی کرنا پڑی۔
پاکستان ٹیم ویسٹ انڈیز کے دورے کے بعد 29 اگست سے 7 ستمبر تک تین ملکی ٹی ٹوئنٹی سیریز میں شرکت کرے گی، جس کے بعد 9 سے 28 ستمبر تک ایشیا کپ میں حصہ لے گی۔
تبصرے بند ہیں