برطانیہ کے علاقے بلیک برن میں ایک افسوسناک واقعہ پیش آیا جہاں 32 سالہ مدیحہ کوثر شام کی سیر کے دوران گرتی ہوئی درخت کی شاخ کی زد میں آ کر جاں بحق ہو گئیں۔ سانحے سے چند لمحے قبل انہوں نے اپنی پانچ سالہ بیٹی کو بچانے کے لیے خود کو قربان کر دیا۔
ڈیلی اسٹار کے مطابق مدیحہ کوثر اپنی بیٹی، جو پش چیئر میں تھی، اور بھائی کے ساتھ وِٹن کنٹری پارک میں ٹہل رہی تھیں کہ اچانک ایک درخت ان کی جانب جھکنے لگا۔ مدیحہ نے فوری طور پر بیٹی کی پش چیئر کو زور سے دھکیل کر محفوظ جگہ پہنچایا مگر خود شاخ کے نیچے آ گئیں۔ ایمرجنسی ٹیم موقع پر پہنچی لیکن وہ موقع پر ہی دم توڑ چکی تھیں۔ ان کے شوہر وسیم خان نو سالہ بیٹے کے ساتھ قریب ہی چل رہے تھے اور یہ منظر اپنی آنکھوں سے دیکھنے کے باوجود بے بس رہے۔
تبصرے بند ہیں