وزیراعلیٰ پنجاب مریم نواز شاہدرہ کے علاقے کا معائنہ کرنے کے لیے کشتی کے ذریعے روانہ

وزیراعلیٰ پنجاب مریم نواز شاہدرہ کے مقام کا جائزہ لینے کے لیے کشتی میں روانہ ہوگئیں۔

دریائے راوی میں شاہدرہ کے مقام پر پانی کی سطح مسلسل بلند ہورہی ہے جہاں بہاؤ ایک لاکھ 74 ہزار کیوسک سے تجاوز کرچکا ہے۔

جسڑ پر بھی اونچے درجے کا سیلاب موجود ہے اور پانی کا بہاؤ ایک لاکھ 28 ہزار کیوسک پر برقرار ہے، جبکہ بلوکی میں بھی اونچے درجے کا سیلاب ریکارڈ کیا گیا ہے اور سطح مزید بڑھ رہی ہے۔

دریائے چناب میں قادرآباد کے مقام پر انتہائی اونچے درجے کا سیلاب ہے تاہم پانی کے بہاؤ میں کمی ہونا شروع ہوگئی ہے، جو اب 9 لاکھ 1 ہزار 500 کیوسک تک آ گیا ہے۔

اسی طرح خانکی میں بھی انتہائی اونچے درجے کا سیلاب برقرار ہے لیکن یہاں بھی کمی کا رجحان سامنے آیا ہے اور بہاؤ 7 لاکھ 22 ہزار کیوسک تک گر گیا ہے۔