فن لینڈ کے میڈیا اداروں کی غزہ میں صحافیوں کے تحفظ کی اپیل
فن لینڈ کے میڈیا اداروں نے صدر الیگزینڈر سٹب سے غزہ میں صحافیوں کے تحفظ کے لیے عالمی سطح پر اقدامات کی اپیل کی ہے۔ صحافیوں، ایڈیٹرز، پبلشرز اور سول سوسائٹی کے نمائندوں نے مشترکہ درخواست میں کہا کہ غزہ میں اگست 2025 میں اسرائیلی حملوں میں 6 صحافی شہید ہوئے، جن کا تعلق رائٹرز، اے پی اور الجزیرہ سے تھا۔ رپورٹ کے مطابق، دو سال میں 200 سے زائد صحافی شہید ہو چکے ہیں، اور یہ واقعات آزادی صحافت پر منظم حملے ہیں۔ درخواست میں کہا گیا کہ غیر ملکی صحافیوں کو غزہ میں داخلے کی اجازت نہیں دی جا رہی، جبکہ اقوام متحدہ کی قرارداد کے تحت صحافیوں کا تحفظ عالمی ذمہ داری ہے۔
تبصرے بند ہیں