کراچی کے مغرب میں بارش برسانے والے بادل، مختلف علاقوں میں بارش جاری

محکمہ موسمیات کے ترجمان نے بتایا ہے کہ بارش برسانے والے بادل اس وقت کراچی کے مغرب میں موجود ہیں۔ ان کے مطابق مون سون کا سسٹم ڈپریشن کی شکل میں ہے، جس کا مرکز شہر سے 60 کلو میٹر دور مغرب میں ہے اور توقع ہے کہ یہ چند گھنٹوں میں ہوا کے دباؤ میں تبدیل ہو جائے گا۔

دوسری جانب کراچی کے مختلف علاقوں میں بارش کا سلسلہ جاری ہے۔ برنس روڈ، صدر، ایف بی ایریا یاسین آباد، لانڈھی، ایئرپورٹ اور شارع فیصل سمیت کئی مقامات پر بارش ہو رہی ہے۔