سوئیڈن کی وزیرِ صحت ایلیسابیٹ لان نے گزشتہ روز عہدہ سنبھالنے کے چند ہی گھنٹے بعد پریس کانفرنس کے دوران اسٹیج پر گر کر بےہوش ہو گئیں

48 سالہ ایلیسابیٹ لان اس وقت وزیرِ اعظم اور ڈیموکریٹس پارٹی کی سربراہ کے ہمراہ صحافیوں کے سوالات سن رہی تھیں، جب اچانک وہ بے ہوش ہو کر فرش پر گر پڑیں۔

سوشل میڈیا پر وائرل ویڈیو میں دیکھا جا سکتا ہے کہ ڈیموکریٹس پارٹی کی سربراہ ایبا بُش فوراً ان کی مدد کے لیے دوڑیں اور دیگر حکومتی اہلکار اور صحافی بھی سہارا دینے کے لیے آگے بڑھے۔ عینی شاہدین کے مطابق ایلیسابیٹ لان چند لمحوں تک بے ہوش رہیں، جس کے بعد سیکیورٹی عملے نے انہیں سہارا دے کر اٹھایا۔

کچھ دیر بعد ایلیسابیٹ لان دوبارہ پریس کانفرنس میں شامل ہوئیں اور اس واقعے کی وضاحت دیتے ہوئے کہا کہ یہ بالکل غیر معمولی دن تھا اور ایسا اس وقت ہوتا ہے جب ان کا بلڈ شوگر لیول اچانک کم ہو جائے۔

اس واقعے کے بعد پریس کانفرنس مختصر کر دی گئی اور سوال و جواب کا سیشن منسوخ کر دیا گیا۔

واضح رہے کہ ایلیسابیٹ لان کو پیر کے روز مستعفی ہونے والی وزیرِ صحت آکو انکاربرگ یوہانسون کی جگہ یہ منصب سونپا گیا ہے۔