قطر کے وزیراعظم شیخ محمد بن عبدالرحمان آج واشنگٹن میں امریکی صدر ڈونلڈ ٹرمپ سے ملاقات کریں گے
امکان ہے کہ ملاقات میں اسرائیل کی جانب سے قطر پر حملے اور غزہ میں جنگ بندی مذاکرات پر تبادلہ خیال ہوگا۔
ادھر دوحہ میں حماس قیادت پر اسرائیلی حملے میں شہید ہونے والے چھ افراد کی نمازِ جنازہ ادا کی گئی، جس میں امیرِ قطر شیخ تمیم بن حمد الثانی، اعلیٰ حکومتی شخصیات اور بڑی تعداد میں شہریوں نے شرکت کی۔
شہداء میں حماس رہنما خلیل الحیا کے بیٹے ہمام الحیا، قطری سیکیورٹی اہلکار بدر سعد الحمیدی اور دیگر محافظ شامل تھے۔
حماس نے واضح کیا ہے کہ قیادت پر حملے کے باوجود غزہ جنگ بندی کے لیے اس کے مؤقف اور شرائط میں کوئی تبدیلی نہیں آئے گی۔
تبصرے بند ہیں