بھارتی چیف آف ڈیفنس اسٹاف جنرل انیل چوہان نے وقت پر معاہدے پورے نہ کرنے پر اپنے ملک کی دفاعی صنعت پر برہمی کا اظہار کرتے ہوئے عدم اعتماد ظاہر کیا۔
ایک تقریب سے خطاب میں بھارتی چیف آف ڈیفنس اسٹاف نے کہا کہ آپ معاہدہ کرکے وقت پر ڈیلیور نہ کریں، یہ ہماری صنعتی صلاحیت کا نقصان ہے، آپ کو مقامی صلاحیت کے بارے میں سچ بولنا ہوگا کیونکہ اس کا تعلق قومی سلامتی سے ہے۔
جنرل انیل چوہان نے کہا کہ ہم آپ کی منافع کمانے والی کاوشوں میں کچھ قومیت اورحب الوطنی کی توقع رکھتے ہیں، دفاعی اصلاحات یکطرفہ عمل نہیں، صنعت کو صلاحیت کے بارے میں سچ بولنا ہوگا۔
بھارتی چیف آف ڈیفنس اسٹاف کا مزید کہنا تھا کہ بہت سی کمپنیاں کہتی ہیں کہ ان کی مصنوعات 70 فیصد مقامی ہیں مگر یہ حقیقت نہیں ہے، اور اگر قیمت کی بات کی جائے تو بین الاقوامی معیار کے اعتبار سے ان کی قیمت بھی زیادہ ہوتی ہے۔
تبصرے بند ہیں