بنگلا دیش پریمیئر لیگ ( بی پی ایل ) میں پاکستان کے 11 کرکٹرز ایکشن میں ہوں گے ۔
پاکستان کے بیشتر کرکٹرز کو بی پی ایل کی نیلامی کے دوران فرنچائزز نے لیا اور کچھ سے معاہدے کیے گئے ہیں۔
پاکستانی کرکٹر خواجہ نافع اور صفیان مقیم رنگپور رائیڈرز کا حصہ بن گئے ہیں جب کہ صاحبزادہ فرحان ، محمد نواز ، جہانداد خان اور راج شاہی وارئیرز کی ٹیم میں شامل ہیں۔
احسان اللہ اورحیدر علی نوکخالی ایکسپریس کا حصہ بنے ہیں، عثمان خان ڈھاکا کیپٹلز اور ابرار احمد چٹاگانگ رائلز کی ٹیم میں ہیں جب کہ صائم ایوب اور محمد عامر سلہٹ ٹائٹنز کی طرف سے کھیلیں گے۔
واضح رہے کہ بنگلادیش پریمیئر لیگ کے 26 دسمبر سے شروع ہونے کا امکان ہے۔
تبصرے بند ہیں