ذیابیطس مریضوں کیلئے خشک میوہ جات میں کیا افادیت ہوتی ہے؟

ذیابیطس کے مریضوں کے لیے خشک میوہ جات (Dry Fruits) نہایت مفید ثابت ہو سکتے ہیں بشرطِیکہ ان کا استعمال اعتدال میں کیا جائے۔

کچھ خشک میوہ جات میں موجود غذائی اجزا خون میں شوگر کی سطح کو مستحکم رکھنے، انسولین کی حساسیت بہتر بنانے، اور دل کی بیماریوں سے بچاؤ میں مددگار ہوتے ہیں۔

1. بادام: اس میں گلیسیمک انڈیکس کم ہوتا ہے اور فائبر، میگنیشیم اور صحت مند چکنائی سے بھرپور ہوتا ہے۔ یہ کھانے کے بعد خون میں شوگر کی مقدار کم کرتا ہے۔

2. اخروٹ: اومیگا-3 فیٹی ایسڈز کا بہترین ذریعہ ہے۔ دل کی بیماریوں سے تحفظ فراہم کرتا ہے، جو ذیابیطس کے مریضوں میں عام ہے۔

3. پستہ: یہ بھی شوگر کنٹرول میں مددگار ہے جبکہ وزن گھٹانے میں بھی معاون ہے، کیونکہ اس میں پروٹین اور فائبر کی مقدار زیادہ ہوتی ہے۔

4. کاجو: اعتدال میں استعمال کریں کیونکہ ان میں کاربوہائیڈریٹس زیادہ ہوتے ہیں۔ کاربوہائیڈریٹس اگر اعتدال میں لیے جائیں تو اس کے انسولین حساسیت بہتر کرنے کے شواہد موجود ہیں۔

5. چلغوزہ: صحت مند چکنائی اور میگنیشیم سے بھرپور ہوتا ہے۔ یہ بھوک کم کرنے میں بھی مدد دیتا ہے۔

6. کدو کے بیج اور السی: ان دونوں میں فائبر اور زنک کی وافر مقدار ہوتی ہے جو خون میں شوگر کی سطح کو بہتر بناتے ہیں۔