خیبرپختونخوا کے محکمۂ ہائیر ایجوکیشن نے ونٹر زون میں کالجز اور یونیورسٹیز کو بند کرنے کا اعلان کر دیا ہے۔
اعلامیے کے مطابق کالجز اور یونیورسٹیز 19 سے 25 اگست تک بند رہیں گے۔ یہ اقدام طلباء، اساتذہ اور اسٹاف کی حفاظت کے لیے اٹھایا گیا ہے۔
اعلامیے میں کہا گیا ہے کہ جامعات و کالجز تدریسی سرگرمیاں آن لائن جاری رکھنے کے لیے متبادل نظام اپنا سکتے ہیں۔ وزیر ہائیر ایجوکیشن مینا خان آفریدی کا کہنا ہے کہ متاثرہ علاقوں میں اعلیٰ تعلیم کے شعبے میں ریلیف فراہم کرنے کی منصوبہ بندی کی گئی ہے اور سیلاب کی وجہ سے طلباء کو سہولتوں میں کمی محسوس نہیں ہونے دی جائے گی۔
دوسری جانب، ضلع مالاکنڈ میں سرکاری اور نجی تعلیمی ادارے آج سے ایک ہفتے کے لیے بند کر دیے گئے ہیں۔ یہ فیصلہ بارشوں، سیلاب اور لینڈ سلائیڈنگ کے خدشات کے پیش نظر کیا گیا ہے۔ سوات میں بھی سیلاب سے متاثرہ علاقوں کے سرکاری و نجی اسکول 25 اگست تک بند رہیں گے۔
تبصرے بند ہیں