‘تصویر لو، بدتمیزی مت کرو’، بائے بولنے پر جیا بچن پاپا رازی پر پھٹ پڑیں، ویڈیو وائرل

بھارتی فلم انڈسٹری کی معروف اداکارہ اور سیاستدان جیا بچن نے پاپارازی کو ڈانٹ پلادی۔

حال ہی میں اداکارہ کی ایک ویڈیو سوشل میڈیا کی زینت بنی ہوئی ہے جس میں انہیں فوٹوگرافرز سے الجھتے دیکھا جاسکتا ہے۔
ویڈیو میں دیکھا گیا کہ جیا بچن جارہی ہوتی ہیں کہ آواز آتی ہے ‘بائے میم’، جس پر سینئر اداکارہ رکتی ہیں اور فوٹوگرافرز سے مخاطب ہوتے ہوئے کہتی ہیں ‘آپ لوگ تصویر لیں، بدتمیزی مت کریں’۔

جیا بچن نے مزید کہا ‘چپ رہو، منہ بند رکھو اور ختم، اوپر سے تبصرے کرتے رہتے ہو’۔

بھارتی سیاستدان کی مذکورہ ویڈیو سوشل میڈیا پر کافی تیزی سے وائرل ہو رہی ہے، جس پر صارفین بھی اپنی اپنی رائے کا اظہار کر رہے ہیں۔