برطانوی پارلیمنٹ میں پاکستانی اداکارہ اور ٹی وی میزبان فضا علی (Fiza Ali)کو ’خواتین کے احترام اور ذمہ دار میڈیا‘ کے اعتراف میں ایوارڈ سے نوازا گیا ہے۔
پاکستانی اداکارہ، میزبان اور ماڈل فضا علی کو برطانوی پارلیمنٹ میں منعقدہ ایک خصوصی تقریب کے دوران “خواتین کے احترام اور ذمہ دار میڈیا” کے فروغ میں خدمات کے اعتراف میں ایوارڈ سے نوازا گیا۔
تقریب میں برطانوی ارکانِ پارلیمنٹ، سماجی شخصیات، کمیونٹی رہنماؤں اور مختلف شعبہ ہائے زندگی سے تعلق رکھنے والے افراد نے شرکت کی۔
منتظمین کے مطابق فضا علی کو یہ اعزاز میڈیا کے ذریعے خواتین کے وقار، مثبت سماجی اقدار اور ذمہ دارانہ ابلاغ کے فروغ میں کردار ادا کرنے پر دیا گیا۔
ایوارڈ وصول کرتے ہوئے فضا علی نے اظہارِ تشکر کرتے ہوئے کہا کہ یہ اعزاز صرف ان کی ذاتی کامیابی نہیں بلکہ پاکستان کی تمام خواتین کے لیے باعثِ فخر ہے۔ انہوں نے کہا کہ میڈیا معاشرے کی تشکیل میں اہم کردار ادا کرتا ہے، اس لیے ضروری ہے کہ اس پلیٹ فارم کو مثبت سوچ، باہمی احترام اور خواتین کے حقوق کے فروغ کے لیے استعمال کیا جائے۔
تبصرے بند ہیں