لاہور میں 13 اگست کی شام لبرٹی چوک پر میوزیکل کنسرٹ منعقد کرنے کا فیصلہ کیا گیا ہے، جس میں وزیراعلیٰ پنجاب مریم نواز بطور مہمان خصوصی شرکت کریں گی۔
تفصیلات کے مطابق جشنِ آزادی کے موقع پر لبرٹی چوک میں شاندار آتش بازی کا مظاہرہ ہوگا، جبکہ 14 اگست کو حضوری باغ میں مرکزی پرچم کشائی کی تقریب منعقد کی جائے گی، جہاں وزیراعلیٰ مریم نواز پرچم کشائی کریں گی۔ پی ایچ اے کی جانب سے مینارِ پاکستان پر بھی آتش بازی کا اہتمام کیا جائے گا۔
محکمہ ماحولیات کے تحت یومِ آزادی اور "معرکۂ حق” بائیک ریلی نکالی جائے گی، جس کے روٹ پر ٹریفک اور سیکیورٹی کے خصوصی انتظامات کیے جائیں گے۔ ڈی سی لاہور کے مطابق، یومِ آزادی پاکستان کی تاریخ کا ایک اہم دن ہے جسے شایانِ شان طریقے سے منایا جائے گا۔
تبصرے بند ہیں