پاکستان کرکٹ ٹیم کے جارحانہ انداز میں کھیلنے والے بیٹر فخر زمان نے اپنے ٹی ٹوئنٹی انٹرنیشنل کیریئر کی سنچری مکمل کر لی ہے۔
انہوں نے یہ سنگِ میل منگل کے روز شارجہ کرکٹ اسٹیڈیم میں افغانستان کے خلاف سہ ملکی ٹی ٹوئنٹی سیریز کے چوتھے میچ کے دوران عبور کیا۔
فخر زمان نے 2017 میں ویسٹ انڈیز کے خلاف اپنے ٹی ٹوئنٹی انٹرنیشنل کیریئر کا آغاز کیا تھا، جبکہ اپنے 100ویں میچ میں وہ صرف 25 رنز بنا سکے۔
فخر زمان پاکستان کے لیے 100 ٹی ٹوئنٹی انٹرنیشنل میچز کھیلنے والے چھٹے کھلاڑی بن گئے ہیں۔
ان سے قبل بابر اعظم، محمد حفیظ، شعیب ملک، شاداب خان اور محمد رضوان یہ کارنامہ انجام دے چکے ہیں۔
تبصرے بند ہیں