پاکستانی شوبز انڈسٹری کی سینئر اداکارہ ایمان علی نے بھارتی سپر اسٹار شاہ رخ خان کے ساتھ فلم نہ کرنے کی وجہ بیان کر دی

سوشل میڈیا پر عفت عمر کے پرانے پروگرام کا ایک ویڈیو کلپ دوبارہ وائرل ہو رہا ہے جس میں ایمان علی کا انٹرویو شامل ہے۔ کلپ میں عفت عمر نے اداکارہ سے پوچھا کہ شاہ رخ خان کے ساتھ فلم کی آفر ملنے کے باوجود آپ نے وہ فلم کیوں نہیں کی؟

ایمان علی نے جواب دیا کہ انہیں بتایا گیا تھا کہ یہ فلم شاہ رخ خان کے ساتھ ہے، تو میں نے فلم کا اسکرپٹ مانگا۔ شاید انہیں میرا اسکرپٹ مانگنا اچھا نہیں لگا، حالانکہ یہ میرا حق تھا۔ انہوں نے مزید کہا کہ میرے لیے اہمیت اس بات کی ہے کہ فلم کیسی ہے، نہ کہ یہ کس کے ساتھ کی جا رہی ہے۔

یاد رہے کہ ماہرہ خان نے بالی ووڈ میں اپنی پہلی فلم *رئیس* میں شاہ رخ خان کے ساتھ مرکزی کردار ادا کیا تھا، جو 25 جنوری 2017 کو ریلیز ہوئی تھی۔