خیبر پختونخوا میں بارشوں اور سیلاب سے متاثرہ گھروں کے معاوضے میں اضافہ کر دیا گیا۔ مکمل تباہ شدہ گھروں کے لیے امداد 4 لاکھ سے بڑھا کر 10 لاکھ روپے اور جزوی متاثرہ گھروں کے لیے 1 لاکھ سے بڑھا کر 3 لاکھ روپے مقرر کی گئی۔
وزیراعلیٰ علی امین گنڈاپور کی زیر صدارت اجلاس میں فیصلہ کیا گیا کہ سیلاب میں بہہ جانے والی گاڑیوں کے مالکان کو 5 لاکھ روپے جبکہ نقل مکانی کرنے والے خاندانوں کو 15 ہزار روپے دیے جائیں گے۔ متاثرہ خاندانوں کو فوڈ پیکج کی مد میں بھی 15 ہزار روپے فراہم کیے جائیں گے۔
اجلاس میں وزیراعلیٰ نے یہ بھی ہدایت کی کہ مال مویشیوں کے نقصانات کی ادائیگیوں کا عمل جلد شروع کیا جائے۔
تبصرے بند ہیں