ڈی آئی جی آپریشنز لاہور فیصل کامران نے کہا کہ اسٹریٹ کرائم پر قابو پانے میں بہت حد تک کامیاب ہوچکے، لاہور اب دنیا کے محفوظ شہروں میں سے ایک ہے۔
ڈی آئی جی آپریشنز نے لاہور میں میڈیا سے گفتگو کرتے ہوئے کہا کہ کھلی کچہریوں کے انعقاد کا فائدہ نظر آنا شروع ہو گیا ہے۔
انھوں نے کہا کہ تھانے میں معذور لڑکی کے ساتھ زیادتی کے واقعے کا فوری نوٹس لیا، واقعے کے بعد تھانے کے تمام عملے کو معطل کیا۔
ڈی آئی جی آپریشنز فیصل کامران نے کہا کہ کرپشن کے معاملہ پر معطل ہونے والوں کی بحالی نہیں ہوگی، شفاف ریکارڈ والے افسر کو ایس ایچ او لگانا ترجیح ہے۔
فیصل کامران نے کہا کہ خواتین کو رات کے وقت تھانے نہ بلانے کے حکم پر عملدرآمد کروایا جارہا ہے، تھانےمیں شکایت لے کر آنے والی خواتین کی آمد پر کوئی پابندی نہیں، خواتین کو کسی مقدمے کے سلسلے میں تفتیش یا تحقیق کیلئے نہیں بلایا جاسکتا۔
انہوں نے کہا کہ ٹاؤن شپ تھانے میں 2 خواتین کی ہلاکت کے معاملے پر ہر چیز ریکارڈ پر ہے۔
تبصرے بند ہیں