لاہور کے کالجز اور یونیورسٹیوں میں طالبات کی پرائیویسی اور تحفظ کو مدنظر رکھتے ہوئے پنک بٹن نصب کرنے کا عمل شروع کر دیا گیا ہے۔
سیف سٹیز اتھارٹی کے ترجمان کے مطابق لاہور کے 39 خواتین کالجز اور جامعات میں پنک بٹن کی تنصیب مکمل ہو چکی ہے، جبکہ پنجاب بھر کے 450 خواتین کالجز میں یہ سہولت مرحلہ وار فراہم کی جائے گی۔
ترجمان کا کہنا ہے کہ ہنگامی صورتحال میں طالبات پنک بٹن دبا کر فوری طور پر پولیس کی مدد حاصل کر سکیں گی، اور بٹن دبانے پر اطلاع براہ راست سیف سٹیز کنٹرول روم کو موصول ہو گی۔
سیف سٹیز اتھارٹی کے مطابق اس سے قبل پنجاب کے 101 اور لاہور کے 122 مقامات پر پنک بٹن کی سہولت دستیاب ہے۔
تبصرے بند ہیں